第一站：英國威爾斯, Brecon (午餐篇)

英國人叫lunch做dinner，一日三餐裡面最重要嘅一餐。

本人係一個返學望食晏，食完晏望放學，放學後望放假，放完假望畢業唔洗再讀書嘅人，簡稱「懶人」。 所以lunch time絕對係我每天最好的時光，因為午餐代表一日上堂嘅時間已經過咗一半啦，仲唔開心死呀？！

至於英國寄宿學校嘅午餐又係點嘅呢？大家有冇睇Harry Potter? 係咪最鍾意睇佢地喺飯堂開餐嘅場面？睇完有冇衝動想去英國寄宿又或者好鬼死羨慕我地呢啲英國留學生呢？係咁你未賴嘢咯！Harry Potter嗰啲叫電影情節，而家我準備講嘅現實生活！收得你雞碎咁少學費，仲想食到Harry Potter咁？瞓醒未呀？

十二點開始lunch time，模式同監獄風雲有啲似，大家都係用膠碟，排隊攞食物。我地耐唔使有雞食架，仲係成隻上，我意思係廚房嗰個肥女人成隻攞出嚟喺我地面前切片，每人大約分到2-3片，當佢每隻雞4磅重，咁分法，一隻雞應該可以分俾40人食！

雖然Boarding school嘅饍食強差人意，不過嗰兩年都見識過啲英國菜，我就最鍾意以下呢兩樣：

Scotch eggs

Yorkshire pudding (大家唔好誤會，呢個唔係dessert，係side dish，通常同Roast beef加Gravy一齊食，咸架！)

下次講點整！